Ferizaj.30.09.2017 U zhvilluan ndeshjet e javës së dytë në Ligën Institucionale ku u dalluan disa ndeshje të bukura dhe derbi që u zhvilluan.
Imri Halili-KK Ferizaj 4-9. Ekipi i Kk Ferizaj ka marr seriozisht këtë kampionat dhe pas përgatitjeve dyjavore tek Parku i Lirisë me ushtrime nga dy herë në ditë po mundohen të rrëmbejnë trofeun. Ekipi i Bejtullah Çerkinit arriti të shënoi fitoren e dytë radhazi me golat e shënuar 4 herë nga Xhelal Sejdiu, 2 herë Sherif Hoxha dhe 2 herë Bejtullah Çekini, si dhe 1 herë Përparim Qorri.
Në anën tjetër ekipi i Fatlumave (Maloku dhe Hajrullahu), nuk arrinin të gjenin veten dhe të nxjerrin rezultat pozitiv.
KRK-KBI 4-6. Ndeshja mes ekipeve me tri shkronja i takoi hoxhollarëve, të cilët e kamatuan bankën e Kreditimit Rural të Kosovës me rezultat 6-4. Në këtë ndeshje shkëlqeu Florent Qerkini me 4 golla të shënuar për KBI.
Bankierët-Profat e Dardanisë 7-4. Ekipi i Dardanisë kishte ardhur me një motiv për të fituar këtë ndeshje, por bankierët nuk menduan kështu dhe me një ekip cilësor të ndërtuar ata arritën deri tek rezultati pozitiv.
Inxhinierat-FSK 2-4. Debutimi i Inxhinjerëve në Ligën Institucionale ishte jofatlum sepse u ballafaquan me njërin ndër ekipet më të mira të ligës, gjegjësisht ata qëlluan në arrën e forte të quajtur FSK. Për fitoren e FSK-së u përkujdesen Shefqet Ademi dhe Imri Salihu me nga dy golla të shënuar.
Policia-Shëndetësia 4-3. Veçori interesante është fakti se ekipi i Policisë nuk dinë për humbje që dy sezone rresht. Një ekipë kompakte dhe me lojtar cilësor brenda vetës. Policia e mbylli ndeshjen qysh në pjesën e pare kurse ekipi i Shëndetësisë, e gjitha që arriti në këtë takim ishte ngushtimi i rezultatit përmes Kushtrim Prushit dhe Sherif Topallit.
Dogana-Luksemburgu 7-5. Ekipi i Doganës hyri me komoditet në takim dhe sidomos pas pjesës së parë ku avancuan me rezultat 2-0. Në pjesën e dytë ekipi i Luksemburgut riktheu rezultatin në favor të tyre 5-4, por nuk kishin kondicionin e duhur dhe nuk mundën ta mbajnë deri në fund për t’ia mundësuar tre gola të shpejtë Doganiervë dhe për të fituar në fund me rezultat 7-5.
Posta-Vala-Profat 4-6. Rikthimi i Postës këtë sezon nuk ka ecur sipas planeve të Menaxherit të saj Luan Jahiri. Ky ekip ngadal është duke u komponuar me përforcimet e bëra si Faton Sadriu apo Asllan Asllani. Në anën tjetër ekipi i Profave pas përforcimeve në këtë vitë është bërë super ekip dhe mëton pozitat e epërme në tabelë. Xhevdet Bega dhe Shpejtim Muhaxheri shënuan nga dy gola në këtë ndeshje për Profat.
