28,03,2024

Kadare rikthehet në shtëpinë ku lindi

Must Read
Ismail Kadare

Vetë shkrimtari i madh nuk e fshehu emocionin teksa kthehej në kohë 6 dekada më parë dhe vizitonte çdo cep të shtëpisë.

Nga kjo banesë dhe ky qytet i gurtë, ku autori kaloi 17 vitet e para të jetës në lagjen “Palorto”, erdhi edhe frymëzimi për të krijuar ato që më vonë do të bëheshin kryevepra botërore, si “Kronikë në gur”, “Emblema e dikurshme’, “Ura me tri harqe” apo “Pallati i ëndrrave”.

Eric Faye, përkthyes i Kadaresë në gjuhën frënge, tha: “Përfitoj nga rasti të them se Gjirokastra ka luajtur një rol të rëndësishëm në formimin intelektual të Kadaresë. Mendoj se nëse shkrimtari do të kishte lindur në një qytet tjetër të Shqipërisë, vepra e tij do të ishte krejt ndryshe nga kjo që është. Ky qytet i ka dhënë shumë imagjinatës së shkrimtarit”.

Ndërsa Peter Morgan, profesor në Universitetin e Sidneit (Australi), u shpreh: “Librin “Pallati i ëndrrave” të Ismail Kadaresë nisa t’ua mësoja studentëve në vitet ’90 për t’i prezantuar me kulturën shqiptare dhe atë ballkanase. Ajo që kuptova menjëherë ishte se tekstet e tij janë të mrekullueshme. Ato u flasin direkt studentëve edhe në anën tjetër të botës. Në kohën kur letërsia po luan rol të rëndësishëm, është thelbësore që Kadareja të vijojë të përkthehet e të shpërndahet në botë.”

Shtëpia “Kadare” u hap në 28 janar, në 80-vjetorin e lindjes së autorit dhe do të jetë një nga objektet më të vizitueshme gjatë sezonit turistik./tch

The post Kadare rikthehet në shtëpinë ku lindi appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img