28,03,2024

Ja kush ishte Almir Daci

Must Read
Almir Daci

I pyetur për këtë lajm, drejtori i drejtorisë së policisë së Korçës, Ajet Zyberi tha se zyrtarisht nuk kane asnjë informacion për vrasjen ose jo të Dacit, as nga strukturat e specializuara të shtetit. Almir Daci, 33 vjeç, i njohur me emrin e luftës si “Ebu Beliksa”, akuzohet për veprat penale: “Rekrutimi i personave për kryerjen e veprave me qëllime terroriste ose të financimit të terrorizmit” dhe “Nxitje, thirrje publike dhe propagandë për kryerjen e krimeve me qëllime terroriste, nxitje të urrejtjes apo konfliktit nacional, racor apo fetar”.

Para se Daci t’u bashkohej militantëve, ai ishte i njohur në raportet e Shërbimit Inteligjent Shqiptar dhe Drejtorisë së Antiterrorit, si person që më parë rekrutonte të rinj për të luftuar në radhët e ISIS-it. Në janar të 2016-s, prokuroria zbardhi një komunikim të ish-imamit të xhamisë së Leshnicës me dy ish-imamët e xhamisë së Mëzezit lidhur me  rekrutimin dhe nisjen e personave të ndryshëm drejt Sirisë. Biseda me ta për rekrutim të luftëtarëve të ISIS, ishin provat kryesore për akuzat. Në Tiranë ishte hapur procesi gjyqësor ndaj tij, i cili në mungesë të Dacit, shtyhej çdo herë. Daci ishte shpallur në kërkim edhe nga Interpoli, prej dy vitesh.

Almir Daci u bë protagonist i një videoje kërcënuese për shqiptarët në emër të Shtetit Islamik. Në 2015-n, ai propagandonte për t`iu bashkuar luftës për xhihad. Dy prindërit e tij, duke qenë në dijeni të faktit që djali i tyre ishte kthyer në një terrorist në shërbim të organizatës ekstremiste, Shteti Islamik, shpreheshin se djalin e tyre e kishin mashtruar.

The post Ja kush ishte Almir Daci appeared first on Lajminet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img