29,03,2024

Hartimi i buxhetit të komunës për vitin 2019-2021 diskutohet edhe me komunitete, shoqërinë civile dhe personat me nevoja të veçanta

Must Read

Ferizaj.09.08.2018. Me qëllim të përfshirjes së qytetarëve në procesin e vendimmarrjes, siç është hartimi i projekt-buxhetit për vitin 2019-2021, Komuna e Ferizajt, këtë të enjte ka mbajtur një dëgjim publik me komunitetin e personave me nevoja të veçanta, organizatat e shoqërisë civile, komunitetet joshumicë dhe përfaqësuesit e komuniteteve tjera për të diskutuar lidhur me buxhetin.


Të pranishmit në këtë dëgjim publik, lidhur me hartimin e buxhetit i ka njoftuar nënkryetari i Komunës së Ferizajt Naim Ferati, i shoqëruar edhe nga drejtoresha e financave Sebahate Ajeti- Sadiku, drejtori i infrastrukturës, Arbër Bytyqi, si dhe drejtorët e drejtorive komunale.
Me këtë rast nënkryetari Ferati, ka thënë se buxheti për vitin 2019 duhet të jetë gjithëpërfshirës.
“Komuna e Ferizajt, edhe këtë vit ka organizuar një numër të madh të dëgjimeve publike, ku janë marr parasysh kërkesat e qytetarëve , ndërsa kryetari ka vendosur që një dëgjim i tillë të organizohet edhe në këtë mënyrë sikurse sot dhe të marrim ende edhe propozimet e komuniteteve, shoqërisë civile dhe personave me nevojë”, ka thënë Ferati përderisa ka shtuar se Buxheti total i Komunës së Ferizajt për vitin e ardhshëm është 31 milionë euro, ndërsa vetëm për investime kapitale është 10 milionë e 5 mijë euro.


E nga ana tjetër, drejtoresha e Financave Sebahate Ajeti-Sadiku, ka paraqitur të gjitha mundësitë buxhetore në kuadër të buxhetit komunal për vitin 2019, ndërsa drejtori i Infrastrukturës Arber Bytyqi elaboroi më gjerësisht projeksionet e investimeve infrastrukturore në zonat ku ka më shumë komunitete pakicë në territorin e Ferizajt.
Ndërsa, të pranishmit në sallë që ishin kryesisht nga komunitete, kanë paraqitur edhe ankesat dhe kërkesat e tyre të cilat kishin të bënin kryesisht me kushtet e rënda të jetës që i kanë.
Naxhie Krasniqi, qytetarëve e Ferizajt nga komunitete ashkalinj, ka thënë se jeton në kushte të rënda të jetës dhe nuk kanë as shtëpi se ku të jetojnë.
“I kemi kushtet e renda të jetës, jetojmë në një shtëpi mbi 15 anëtarë të familjes, shtëpia është e vjetër dhe nuk i plotëson as nevojat elementare për jetë. Askënd nuk e kemi në punë, jetojmë me kanaqe”, ka thënë Krasniqi.

Pas dëgjimit të halleve të këtyre qytetarëve nënkryetari Ferati dhe drejtori Infrastrukturës Arbër Bytyqi, i janë përgjigjur të gjitha pyetjeve të qytetarëve që kanë parashtruar në këto takime konsultative.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img