29,03,2024

Haradinaj nga Ferizaj: Nuk do të lejoj që e ardhmja e të rinjve të rrezikohet

Must Read

Lideri i Aleancës për Ardhmërinë e Kosovës, Ramush Haradinaj, ka vizituar qytetin e Ferizajt, prej nga i ka dërguar një mesazh presidentit të Serbisë, Aleksandër Vuçiqit, që të njoh sa më parë shtetin e Kosovës pasi në të kundërtën i humb kohë veç vetes dhe popullit të vet.

Haradinaj para simpatizantëve të AAK-së në Ferizaj, ka paralajmëruar Vuçiqin se në rast se nuk e njeh pavarësinë e Kosovës, do të dëmtojë veç veten, meqenëse Kosova do të vazhdojë rrugën e saj për bashkim me Shqipërinë.

Aleanca për Ardhmërinë e Kosovës nuk ka kandidatë për kryeministër, pasi Haradinaj synon vetëm postin e presidentit.

I bindur se do të arrijë të zgjedhet president, ai para qytetarëve në Ferizaj, tha se si i pari i vendit do të angazhohet që maksimalisht në planin ndërkombëtar edhe me Serbinë, në mënyrë që çdo qytetarë i Kosovës të jetë krenarë dhe ta dojë vendin e vet.

Haradinaj tha se duke u bërë të gjithë së bashku, do të jetë më e lehtë mposhtja e Serbisë, e sipas tij, kjo arrihet gjithherë me punë të mira për vendin.

“Kur të bëhem president vendi, me ndihmën e Zotit dhe me ndihmën e juaj, unë i bëj të fala Vuçiqit: ‘o me e njoftë Kosovën, mos na vono më, se nuk kemi kohë me të pritë, se qysh kemi kriju ushtri, e pavarësim energjetike, na i grahim rrugës tonë, bashkohemi me Shqipërinë’. ‘Nuk ke kah ia mbanë, mos e vono veten, mos e merr veten në qafë, popullin tënd, se na i kryejmë punët tona’”, tha ai.

Bartësi i listës së AAK-së për zgjedhjet e 14 shkurtit, i cili synon postin e presidentit ka kërkuar nga qytetarët e Ferizajt që të votojnë numrin 135, në mënyrë që të sigurojnë ringjalljen ekonomike të vendit.

“Me të 14-in kur të votoni, ua kërkoj votën, për një program që e ngjallë ekonominë, për njerëz që i keni këtu, ndër ta 13 doktorë shkence, ka ekonomistë, juristë, arkitektë, inxhinierë, veteranë të lirisë, sipërmarrës të zot, të ri e të reja që studiojnë jashtë, janë të mirë. Ua kërkoj votën për presidentin e vendit që po don me i kry punët e Kosovës, në planin ndërkombëtar edhe me Serbinë, që me qenë çdo qytetarë i këtij vendi krenarë dhe me e dashtë vendin e vet”, ka shtuar ai.

Rritja e pagës minimale dhe forcimi i ushtrisë, ishin dy premtimet e tij në Ferizaj.

Në këtë tubim elektoral në qytetin e Ferizajt u prezantuan edhe kandidatët për deputetë nga radhët e Aleancës për Ardhmërinë e Kosovës: Xhavit Zariqi, Rrezofata Azemi dhe Ismet Shamolli.


- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img