29,03,2024

Ftohen të riatdhesuarit në Ferizaj që të konkurrojnë për grante vetëpunësimi deri në 3 mijë euro

Must Read

Ferizaj.23.07.2018. Qendra Rajonale e Punësimit në bashkëpunim me Komunën e Ferizajt dhe me Qendrën për Aftësime Profesionale kanë filluar së fundi zbatimin e një projekti që u siguron të riatdhesuarve një përkrahje të rëndësishme ekonomike.
Bëhet fjalë për të gjithë ata qytetarë që janë riatdhesuar në Ferizaj e që duhet ta dëshmojnë me dokumente të cilët do të kenë të drejtë që deri më datën 13 gusht të aplikojnë për të përfituar grante deri në 3 mijë euro me të cilat do të mund të hapin ndonjë punëtori për të krijuar një ekonomi më të mirë familjare.
Naim Gashi udhëheqës i Zyrës së Punësimit pohon se ka nevojë që kjo kohë të shfrytëzohet sa më mirë nga ata që janë vërtetë të interesuar të përfitojnë” Është një afat i shkurtër prandaj ju bëj thirrje të gjithë atyre që konsiderojnë se i përmbushin kriteret që të lajmërohen tek zyrat e punësimit për të marrë udhëzimet e nevojshme. Do të jetë mjaft e rëndësishme që të përfitohen makineri për një vetëpunësim të qëndrueshëm” ka thënë drejtori Gashi.
Ndërkaq u bë ditur se listat e atyre që do të përfitojnë do të hartohen në bashkëpunim edhe me komunën e Ferizajt e cila ka pasur një përvojë mjaft të mirë në këtë drejtim me organizata të ndryshme.
Kurse u qartësua se të gjithë ata që ia mësyjnë të konkurrojnë për përftimin e këtyre granteve të vetëpunësimin duhet ta kenë në dosje edhe dëshminë e kryerjes së kursit për vetëpunësim i cili kryhet në Qendrën për Aftësime Profesionale e cili zgjat 15 ditë.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img