28,03,2024

Ferizajasit i bashkohen protestës për Haradinajn

Must Read

Protestës për  lirimin e ish-komandantit të Zonës Operative të Dukagjinit, ish-kryeministrit e kreut të AAK-së, Ramush Haradinaj, i janë bashkuar sot edhe organizatat e dala nga lufta e Ushtrisë Çlirimtare të Kosovës në Ferizaj dhe qytetarë.

Nisja nga Ferizaj është bërë më vonë se që ishte paralajmëruar për shkak se autobusi i aranzhuar nga ana e organizatorëve të protestës, nuk ka mbërritur në kohë.

Përfaqësues të organizatave të dala nga lufta, konsiderojnë se arrestimi i ish-komandantit Haradinaj është bërë me motive politike.

Ata u shprehen të gatshëm të protestojnë sa herë që bëhet fjalë për mbrojtjen e vlerave të luftës.

Protesta për lirimin e Haradinajt, përveç nëpër qytete të Kosovës, Shqipëri e Maqedoni janë organizuar edhe në disa qendra botërore.

Ramush Haradinaj është arrestuar më 4 janar në Francë, me një urdhërarrest që Serbia e ka lëshuar përmes INTERPOL-it që nga viti 2004. Pas 8 ditësh mbajtje ai është lënë i lirë me kusht, duke u obliguar që të qëndrojë në Francë dhe të paraqitet dy herë në javë në polici. / TELEVIZIONI TEMA /

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img