28,03,2024

Ferizaj: U mbajt takimi informues për hartimin e Planit për Mbrojtjen e të Drejtave të Fëmijëve

Must Read

Ferizaj.09.03.2018. Në mesditë është mbajtur takimi informues për hartimin e Planit për Mbrojtjen e të Drejtave të Fëmijëve në Ferizaj. Në këtë takim, pjesëmarrës ishin drejtues të Drejtorisë së Shëndetësisë dhe Mirëqenies Sociale në Ferizaj, Ibadete Krasniqi drejtoreshë e organizatës për mbrojtjen e të drejtave të fëmijëve OFAP, organizatë kjo që do të implementojë këtë projekt të financuar nga Bashkimi Evropian dhe të monitoruar/menaxhuar nga Zyra e saj në Kosovë, si dhe përfaqësues të organizatave të ndryshme joqeveritare, prindër, punëtorë social dhe qytetarë të tjerë.
Në këtë takim nga Besnik Murati – ndërmjetësues, para të pranishmëve prezantoi planet dhe ndarjen e detyrave për implementimin e kësaj platforme.
Nga Komuna e Ferizajt në këtë takim i pranishëm ishte edhe udhëheqësi i Sektorit të Shëndetësisë në DSHMS, Ibush Bakolli i cili falënderoi këtë organizatë dhe gjithë akterët tjerë relevant për përzgjedhjen e Komunës së Ferizajt për implementimin e këtij projekti si dhe angazhimin në avancimin e të drejtave të fëmijëve në komunën tonë.
Ky takim informues mbahet pas vendimit të Kryetarit të Komunës së Ferizajt, Agim Aliu për të themeluar grupin punues i cili do të hartoj Planin për Mbrojtjen e të Drejtave të Fëmijëve në Komunën e Ferizajt.
Komuna e Ferizajt është përzgjedhur si komuna ku do të filloj së implementuari ky projekt. Synimet e këtij aktiviteti janë që të përmbyllen me hartimin e Rregullores Komunale për të Mbrojtjen e të Drejtave të Fëmijëve si dhe Planit të Veprimit, zbatimi i së cilës synohet të filloj këtë fund vit.
Kryetari Aliu në programin e tij qeverisës për këtë mandat 4 vjeçar ka paraparë ndërmarrjen e disa iniciativave të cilat do të nxisin avancimin e të drejtave të fëmijëve dhe mbrojtjen e tyre institucionale në nivelin lokal, në këtë kuadër edhe hartimin e dokumenteve komunale për këtë kategori shoqërore që do të garantonin mbrojtjen e të drejtave dhe lirive të fëmijëve në nivelin lokal.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img