Ferizaj.13.02.2018. Komuna e Ferizajt e ka menduar gjerë dhe gjatë që qyteti i tyre, të cilit i bie në mes hekurudha, të bashkohet dhe mos ta shoh hekurudhën si ndarëse.
Për këtë, kjo komunë, tashmë ka hapur konkursin për projektim.
Ky projekt ka tri LOT-e.
I pari është nënkalimi për vetura nga rruga “Vëllezërit Gërvalla” deri te rruga “Madeleine Albright”,
LOT i II-të është vazhdimi i nënkalimit ekzistues për këmbësor nga rrug “Latif Hasani” deri në rrugën “Emin Duraku” dhe
LOT i III-të është mbikalimi për këmbësor nga rruga ”Mustafë Goga” deri në rrugën “Ahmet Kaçiku”.
Në LOT I, vendi i parë do të jetë projekti zbatues, vendi i dytë do të shpërblehet me 2,000 euro dhe vendi i tretë me 1,000 euro.
Në LOT II, vendi i parë do të zbatohet, i dyti do marrë 500 euro, teksa i treti 200 euro.
E LOT III, përpos projektit të parë që do të jetë zbatues, atëherë vendi i dytë do marrë 1,000 euro, teksa vendi i tretë 500 euro.
Vlerësimi do të jetë në katër kritere:
Zgjidhje Funksionale – 40%;
Mundësi e lidhjes me fazën e dytë të nënkalimit për vetura – 20%;
Kreativiteti i Zgjidhjes – 10% dhe
30% do të jetë operatori me çmimin më të ulët dhe më i përgjegjshëm.
