28,03,2024

Faktet historike përgënjeshtrojnë Azem Vllasin për “ekzistimin e liberalizmit” në Jugosllavinë e Titos

Must Read

Shkruan Muhamet Shabani
Çfarë shteti ishte Jugosllavia e Titos në raport me shqiptarët,më së miri e sqarojnë dhe dokumentojnë këto fakte historike:
1.Administrimi ushtarak jugosllav u vendos vetëm në Kosovë dhe vise tjera shqiptare në Jugosllavi më 8.II.1945.
Pushteti që iu imponua shqiptarëve,kishte për qëllim t’u mohonte atyre sukseset e arritura gjatë luftës.
Administrimi ushtarak i dha karakter të organizuar fushatës së egër të terrorit dhe asgjësimit fizik të shqiptarëve,duke e arsyetuar atë si “luftë kundër reaksionit shqiptaromadh”
Gjatë administrimit ushtarak jugosllav, 86.000 shqiptar,u therën,u djegën për së gjalli,nga të cilët 36.000 në Rrafshin e Kosovës,23.000 në Rrafshin e Dukagjinit,,27.000 në trevën e Vardarit. U bënë 22.000 bastisje dhe,200.000 të kaluar në duart e OZN-ës.
2.. Më 18 shkurt 1945,Kryesia e Komitetit Qendror të Partisë Komuniste të Jugosllavisë arbitrarisht,pa përfillur vullnetin e shqiptarëve
miratoi propozimin e Eduard Kardelit që”Kosova dhe Metohija ti bashkëngjiten Serbisë”.
3.Më 1-2 prill 1945 në Tivar falanga çetniko-partizane ekzekutoi 4.000 rekrut shqiptare të pa armatosur.
4.Në Goricë repartet e OZN-as në dhomat e gazit masakruan 2.000 shqiptarë.
5.Udhëheqja e Partisë Komuniste të Jugosllavisë dhe ajo e Republikës së Serbisë,në Sesionin e Dytë të Këshillit Nacionalçlirimtar të Qarkut të Kosovës,që u mbajt në Prizren më 8-10 korrik 1945,i paraqitën vendimet e tyre të marra në Beograd për aneksimin e Kosovës nga Serbia. Në Kosovë do të vendosej për ato që ishin vendosur më parë në Forumet e Federatës e tê Serbisë.
6.Me qëllim të realizimit të Konventës jugosllavo-turke të vitit 1938,në Split më 1953 u takuan delegacionet e Turqisë dhe të Republikës Federative të Jugosllavisë,për arritjen e e Marrëveshjes Xhentëlmene që qëllim kryesor kishte largimin e shqiptareve nga trojet e tyre etnike dhe vendosja e tyre në shkretëtirat e Anadollit në Turqi.
7.Aksioni i mbledhjes së armëve nga shqiptaret në Kosove dhe disa vise tjera shqiptare në dimrin e viteve 1955-1956,pati per qëllim që përmes torturave dhe mizorive t’i nxis shqiptaret për shpërngulje. U rrahën dhe u mal tretuan më se 30.000 shqiptarë. Mbi 1.000 shqiptarë gjeten vdekjen si pasojë e torturimeve, ndërsa me mijëra të tjerë mbetën të gjymtuar për tere jeten. Gjatë viteve 1951-1966 për në Turqi u shpërngulen 400.000 mije shqiptar.
8. Në vitin 1956, në kohën e shpërnguljeve intensive të shqiptarëve në Turqi,u inskenua “Procesi gjyqësor i Prizrenit”,me të cilin u dashtë të diskualifikoheshin dhe të likuidoheshin politikisht shumë funksionarë të Kosovës dhe intelektual eminente të kombësisë shqiptare
Ky proces gjyqësor duhej të “argumentonte” se këto kuadro ishin në pozitat e irredentizmit dhe të lidhura me shërbime të huaja informative
Nëntë të akuzuar u dënuan me burgime të gjata.
Dymbëdhjetë vjet më vonë,të gjithë këta u liruan dhe u shpallen të pafajshëm,ndërsa Kuvendi i Kosovës nxori një rezolutë,e cila e shpallte atë gjykim “të montuar dhe të inskenuar”.
9. Diferenca në mes të Kosovës dhe njësive tjera federale po rritej përherë e më tepër.
Investimet në Kosovë gjate vitit 1981 janë 43% më të vogla se mesatarja e Jugosllavisë.
10.Të ardhurat për frymë në Kosovë ishin mbi gjashtë herë më të vogla sesa në Slloveni dhe pesë herë më të vogla se në Kroaci.
11.Si është e mundur që “Jugosllavia liberale” e Vllasit të vret 1000 demonstrues shqiptare sipas studiuesit amerikan Pedro Ramet .Të dënohen dhe të burgosen me mijëra të rinj shqiptare.
12.Demonstrimi i forcës në mënyrën më brutale nga policia serbe dhe ushtria jugosllave e lakuriquan iluzionin e fiksuar në vetëdijen e udhëheqjes komuniste se shqiptarët mund të jetojnë të “vëllazëruar e të bashkuar” me serbët, malazezet e maqedonasit.
Pra gatishmëria për t’u flijuar për Kosovën dhe nxjerrja haptas e të vërtetës se sllavët nuk t’i bëjmë vëllezër ishin dy elementë që u krijuan në ndërdijen shqiptare gjatë demonstratave të vitit 1981.
13.Shqiptarët kërkuan republikë brenda federatës jugosllave dhe jo republikë të pavarur. Krijimi i Republikës së Kosovës do t’u mundësonte shqiptarëve çlirimin nga juridiksioni serb.
Këto të dhëna të mirëfillta shkencore demantojnë katërçipërisht pohimet e z. Vllasi se Jugosllavia ishte shteti liberal në raport me shqiptarët.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img