28,03,2024

Dredhëzat, e kuqja e tavolinës së pranverës

Must Read

Të bukura për t’u parë, të mira për tu ngrënë dhe për shëndetin e bukurinë. Flasim për dredhëzat, shijen e kuqe të pranverës.

Forma e tyre si zemër dhe ngjyra e gjallë të tërheqin shikimin dhe të shtojnë nepsin për t’i shijuar. Dhe pse kanë shije të ëmbël dredhëzat kanë pak kalori dhe janë mjaft të mira për një dietë dobësimi.

Vetitë ushqyese

Mes të mirave të çmuara është përmbajtja e lartë e vitaminës C dhe flavonoidë. Të mendosh që vetëm pesë dredhëza kanë sasi të kësaj vitamine sa një portokall.

Për më tepër ky frut është një antioksidant që lufton radikalet e lira dhe plakjen e lëkurës. Janë të nevojshme si anti moshë por edhe për të forcuar sistemin imunitar dhe për të mbrojtur zemrën, transmeton tch. Ndihmojnë në prodhimin e kolesterolit të mirë dhe qëndrueshmërisë së tensionit të gjakut. Dredhëzat janë të pasura me ujë dhe përmbajnë shumë pak kalori. Të mendosh që 100 gram i këtij fruti kanë vetëm 30 kalori. Janë ëmbëlsira ideale për të shijuar, duke shtuar dhe pak lëng limoni.

Si t’i zgjedhësh?

Rregulli i artë që vlen për të gjithë frutat: pavarësisht se sot dredhëzat i gjejmë gjatë gjithë vitit, duhet respektuar kur e kanë stinën, që është fundi i prillit dhe fillimi i majit. Zgjidhini të pjekura, të forta dhe pa shenja. Mos u tërhiqni nga ngjyra intensive apo përmasa e frutave pasi ka mjaft varietete. Kur i blejmë i heqim menjëherë nga vasketa dhe i vendosni butësisht në një enë pa i mbivendosur. Heqim frutat që janë të dëmtuara dhe mos harroni ti konsumoni dy ditë nga dita e blerjes. Nuk i lajmë derisa t’i vendosim në tavolinë.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img