Kombëtarja e Bullgarisë, përmes grupit zyrtar në rrjetin social, Facebook, e la postuar një fotografi dhe një porosi për futbollistët para ndeshjes së sontme ndaj Kosovës
Kombëtarja e Bullgarisë do të luajë sonte me atë të Kosovës në ndeshjen kualifikuese të Kampionatit Evropian 2020, shkruan Gazeta Express.
Dhe, bullgarët presin shumë nga “Luanët” e tyre për ndeshjen që do të luhet në “Vasil Levski National Stadium”.
Kombëtarja e Bullgarisë përmes grupit zyrtar në rrjetin social, Facebook, e ka postuar një fotografi, ku shihet stadiumi dhe një porosi për futbollistët bullgarë.
“Ne po ju presim ju në stadium. Gjithmonë së bashku, gjithmonë luanët tanë”, ka shkruar “Team Bullgaria” në Facebook.
Bullgaria i ka zhvilluar tri ndeshje në fazën e grupeve në kualifikimet e Euro 2020 dhe i ka regjistruar dy barazime dhe e ka pësuar një humbje.
Bullgarët në gjashtë ndeshjet e fundit nuk kanë fitore duke i regjistruar katër barazime e dy humbje.
Fitorja e fundit e tyre daton në tetor të vitit 2018 në Ligën e Kombeve kundër Qipros.
Nga ana tjetër, Kosova i ka regjistruar dy barazime në këto eliminatore, ndërsa kishte barazuar edhe me Danimarkën në miqësore.
Pra, “Dardanët” nuk kanë fituar nga ndeshja me Azerbajxhanin në Ligën e Kombeve, duke i regjistruar tri barazime rresht. /Gazeta Express/
