Deputeti i Lidhjes Demokratike të Kosovës, Blerim Grainca ka thënë se Kosova nuk ka nevojë për zgjedhje të parakohshme.
Në një lidhje direkte në kuadër të emisionit Info Magazine në Klan Kosova, Grainca deklaroi se nuk ka asnjë arsye që Kosova të hyjë në zgjedhje.
“Nuk ka asgjë të keqe nëse Kryetari i Kuvendit dhe Kryetari i PDK-së, Kadri Veseli, flet për zgjedhje të parakohshme”.
“Por, Kosova nuk ka nevojë për zgjedhje të parakohshme. Zgjedhjet do të mbahen në vitin 2018, e deri atëherë kemi shumë probleme për të zgjidhur – punësimin, zhvillimin ekonomik dhe integrimin”.
Grainca tha se edhe po të ketë zgjedhje, Lidhja Demokratike e Kosovës është e gatshme në çdo kohë t’i nënshtrohet një procesi zgjedhor.
“Ne e pranojmë garën zgjedhore dhe nuk frikohemi. Ne jemi parti serioze. Nuk i ikim procesit zgjedhor”.
“LDK është e gatshme për çdo variant”.
