Editorial

Bashkimi Evropian dhe Ballkani Perëndimorë


Publikuar më:


Të gjitha vendet e Ballkanit Perëndimorë, po përpiqen të bëhen anëtare të Bashkimit Evropian. Mirëpo brishtësia e tij ende qëndron për shkak të kaluarës jo të largët të këtij rajoni. Edhe pse rajoni është në paqe, stabiliteti i tij varet kryesisht nga mbështetja që i jep Bashkimi Evropian.
Disa vende të Bashkimit Evropian kanë arritur një progres të jashtëzakonshëm, megjithatë rajoni i Ballkanit Perëndimorë duhet të ndryshoj dhe të transformoj sistemet politike, shumica e vendeve të Ballkanit kanë një klasë politike të cilët udhëhiqen nga ekstremizmi nacional, janë të lidhur ngushtë me korrupsionin, trafiqet, krimin e organizuar dhe këto janë problem për tërë rajonin.
Popujt e Ballkanit Perëndimorë presin përfitime të mëdha nga anëtarësimi në Bashkimin Evropian në shumë fusha si: punësimi, arsimi, të drejtat e njeriut, sundimi i ligjit dhe demokracia në përgjithësi.
Stabiliteti dhe demokracia në vendet e Ballkanit Perëndimorë janë interes strategjik i Bashkimit Evropian.
Për të integruar këtë pjesë të Evropës, Bashkimi Evropian ka bërë hapa konkret duke organizuar samite me kryeministrat e këtyre vendeve të Ballkanit me të vetmin qëllim për të reformuar në shumë fusha këto vende.
Nuk ka dyshim se ende ka për të bërë, e sidomos në arritjen e bashkëpunimit rajonal dmth brenda vetë shteteve të Ballkanit Perëndimor, megjithatë po bëhet përpjekje në këtë fushë siç janë bisedimet mes Kosovës dhe Serbisë.
Problemi i emrit të Maqedonisë dhe Greqisë.
Në samitin e Selanikut u theksua perspektiva e anëtarësimit në BE i ofruar për vendet Ballkanit Perëndimorë në Këshillin Evropian të Feiras dhe të Kopenhagenit, si dhe u përcaktuan rrugët konkrete për të mbështetur këtë rajon.
Në këtë samit vendet dolën me dy vendime kryesore perspektiva e anëtarësimit, të vendeve të Ballkanit Perëndimorë në BE është reale dhe se harta e Bashkimit Evropian nuk do të shihet si e kompletuar deri sa në të të jenë anëtarësuar vendet e Ballkanit Perëndimor. Nga ana e saj BE-ja do të jap asistencën e saj të nevojshme teknike dhe financiare, që këto shtete të mund të ndërmarrin reforma të nevojshme dhe anëtarësimi do të jetë individual dhe i merituar.

Autori
Burim Ugzmajli
Master i Politikave të BE-së

To Top