Reagimi i Xharrës vjen pas publikimit të fotove të Ahmetit në jahtin e Devollëve në brengdetin malazez.
“Shtoja kësaj edhe barrën që Shpendi e bartë mbi vete duke qene nga një parti e cila me këto detaje do të kishte linçuar këdo tjetër qofte nga politika, shoqëria civile apo përfaqësuesit e mediave…”, ka shkruar Xharra, në FB.
“Reagimet për Jahtin janë normale, për arsye se Shpendi vjen nga një parti e cila u ka kërkuar anëtarëve të saj që të mos vishen me rroba të shtrenjta, sepse Albin Kurti ka provu tash e sa kohë të krijon “diskursin partiak e publik në mbështetje të barazisë sociale”, duke kritikuar shtresat që jetojnë në luks. Ndonëse jam e bindur se Shpend Ahmeti dhe kryesisht grupi i FER-it brenda VV janë më liberal ne pikpamjet e tyre politike, udhëheqësit tjerë me peshë të kësaj partie, që kanë tërhequr edhe mbështetës mbi bazën e këtij parimi, “kundër shtresave të larta””, ka shtuar ajo.
Sipas Xharrës, stili i veshjes i Albinit e tash imituar edhe nga Visari, Dardani, Frashri, etj, është jo vetem stil, por mesazh që i përcjellët masës.
“E thash edhe mbrëmë, asnjë të keqe s’ka të fotografohesh në një jaht, sepse Shpendi mundet me pas miq milionerë, e fakti se është ne VV, s’do te thotë që duhet me ike prej tyne, por është me rendësi se prone e kujt është Jahti”, ka shtuar ajo.
Shpend Ahmeti u përfshi në skandalin me jahtin pasi gazetametropublikoi e para fotot e tij në bregdeti malazez.
Ahmeti përfshiu edhe fëmijët e tij në këtë skandal, duke publikuar foto, me të cilat mohon se ka shëtitur me jahte në Budvë.
Sidoqoftë, jahti në të cilin është fotografuar Ahmeti është i kompanisë Devolli, e cila ka mbështet Vetëvendosjen dhe ka lidhje kontraktuale me deputetin Fisnik Ismajli
