28,03,2024

Aliu: Ferizaj me 2.5 milionë euro më shumë buxhet në 2020-tën

Must Read

Kryetari i Ferizajt, Agim Aliu shpalos dhjetëra projekte të buxhetuara në Kornizën Afatmesme Buxhetore

Në ambientet e Kuvendit të Komunës, me prezencën e qytetarëve, përfaqësuesve të shoqërisë civile, mediave dhe grupet të tjera të interesit, i pari i Ferizajt, Agim Aliu bashkë me drejtorët e drejtorive komunale mbajti diskutimin publik për 6 mujorin e parë të qeverisjes në vitin 2019 si dhe Kornizën Afatmesme Buxhetore 2020-2022.

Duke theksuar rëndësinë e të gjitha projekteve të nisura gjatë kësaj periudhe por edhe më parë, siç janë hapja e Qendrës së Inovacionit dhe Ndërmarrësisë, kyçja në autostradën “Arbën Xhaferi” respektivisht dy projektet strategjike infrastrukturore siç janë rikonstruktimi i rrugës nga ura në Bibaj deri tek kyçja në autostradë dhe asfaltimin e të gjitha rrugëve në Jezerc, funksionalizimi i Varrezave të Reja të Qytetit, hapja e Qendrës së Përkujdesit për Fëmijët e Margjinalizuar, bashkëpunimi i shkëlqyeshëm me biznese që ka rezultuar me hapjen e mbi 500 vendeve të reja të punës, subvencionimi i bizneseve në kuadër të programit të Fondit të Punësimit, ulja e tatimit në pronë nga baza tatimore prej 10%, procedimi i rregullores së re komunale për përcaktimin e orarit të punës së veprimtarive afariste, përafrimi i procedurës për funksionalizimin e zonës ekonomike, afro 5 milionë euro investime në projekte kulturore e sportive të financuara nga MKRS, zhbllokimi i procesit të pritur gjatë për zgjedhjen e kryetarëve të fshatrave dhe zonave urbane, progresi më i lartë në nivel republike për hartimin e hartës zonale dhe grantet e përfituara nga shumë mekanizma institucional dhe rajonal, Kryetari i Komunës së Ferizajt, Agim Aliu tha se buxheti i vitit 2020 është për 8.71% më i lartë sesa vitit aktual apo shprehur në shifra mbi 2.5 milionë euro më shumë.

Njëkohësisht, në këtë diskutim publik, i pari i Ferizajt ,Agim Aliu vuri thekset tek projektet e afërta, siç janë ato paraprijëse të ndërtimit të impiantit të ujërave të zeza, siç janë ndërtimi i kolektorit verior të kanalizimit fekal prej fshatit Talinoc i Muhaxherëve deri në Rahovicë, përfundimin e ciklit të investimeve në programin e përmbylljes së infrastrukturës rrugore dhe nëntokësore, ndërtimin e kolektorit veri – perëndimor për përfshijen e kanalizimit të fshatrave Koshare, Slivovë, Kosinë, Tërrn, Bablak, ujësjellësin në fshatin Sojevë, Dardani, Zllatar, asfaltimin e rrugës “Agim Ramadani” në zonën rekreative-sportive si dhe rregullimin e parkut tek Varrezat e Reja të Qytetit, pa u kufizuar dhe mbetur vetëm këto, e dhjetëra projektet të tjera me ndikim direkt tek qytetarët dhe jeta e tyre.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img