28,03,2024

16-vjeçarja nga Kaçaniku refuzon të kthehet në familje, dërgohet në strehimore

Must Read
Pas disa ditëve që ka qëndruar e zhdukur e në kërkim nga Policia e Kosovës, 16-vjeçarja Viola Guri nga Kaçaniku u gjet në një qendër tregtare në Pejë. Mirëpo, vajza që kishte ikur nga shtëpia duke kërkuar një jetë më të mirë, ka refuzuar të kthehet në familjen e saj. Momentalisht ajo është duke qëndruar në strehimore, ndërkaq, nga familja janë deklaruar për Express se e kanë parë atë dje gjatë ditës.

Qëndroi e zhdukur për gati një javë, e kur u gjet, nuk pranoi të kthehej në familje, por zgjodhi strehimoren.

Viola Guri, 16-vjeçare nga Kaçaniku, u gjet dje nga Policia e rajonit të Ferizajt.

“Lidhur me rastin e raportuar nga familjarët, (11.02.2019), për zhdukjen e vajzës së tyre të mitur, pas një pune operative në terren dhe në koordinim edhe me Policinë Rajonale të Pejës, e mitura është gjetur sot në një Qendër Tregtare në Pejë, dhe e njëjta është sjellë në Drejtorinë Rajonale të Policisë në Ferizaj. Me rastin janë duke punuar hetues të Sektorit Rajonal të Hetimeve në Ferizaj dhe pas përfundimit të procedurave ligjore, e mitura do ti dorëzohet familjes”, ka bërë të ditur policia.

Mirëpo, pavarësisht se u gjet nga Policia, ajo nuk pranoi të shkonte te prindërit e saj në fshatin Nikaj të Kaçanikut.

Në një bisedë për Express, babai i vajzës Agroni ka deklaruar se ajo është dërguar tashmë në strehimore dhe aty do të qëndrojë për një kohë.

Policia e Rajonit të Ferizajt ndërkohë nuk kanë bërë të ditur me kë e kanë gjetur vajzën, me arsyetimin se ajo është person i mitur.

Viola Guri nga fshati Nikaj i Kaçanikut kishte zgjedhur të ikë nga shtëpia në kërkim të një jete më të mirë, pasi që në familjen e saj po jetonte në kushte të rënda financiare. 

Ajo kishte lënë edhe një letër, përmes së cilës u bënte të ditur prindërve se nuk do të kthehej më. /Express

Lexo më shumë në: https://m.gazetaexpress.com/lajme/16-vjecarja-nga-kacaniku-refuzon-te-kthehet-ne-familje-dergohet-ne-strehimore-626257/?utm_source=referral&utm_medium=web&utm_campaign=copyright

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img